The Revelations of Saint Birgitta

Iam maker of heuen and erth and see and of all thynges that bene in hem. Iam on wyth the fader and the holy goste, nott as goddys of stones or of golde, as some tyme was seyde, ne mony goddys, as then was wende; bott on God, fader and sone & holy goste, iij in persones and on in substance, maker of all thynges and made of none, vnchangeble and almyghty lestyng with-out begynnyng & wyth-out ende. I am he that was borne of the vyrgyne, notte leuyng the godhed bott knytting itt to the manhode, pat I shuld be in on person pe verry sonne of God and the sonne of the virgyne. I am he that honge one the crosse and dyede and was beryed, fe godhed abydynge vnhurte. For pough the manhode and body whych I, sonne, alone toke wer dede, yett ine pe godhede in whych I was oo God wyth pe fader’and pe holy goste I lyuede all way. Iam also pe same pat roose frome deth and styede in-to heuyn that nowe spekys wyth be wyth my spiryte. I haue chosse & take the to me to be my spowse for to shewe the my privey concelles, for so itt lykyth me. And also thow arte myne be all maner of ryght, when in the deth of thyne hossebond thowe yeuyste pi wylle jne to myn hondes, and also after hys deth whan thowe thoughteste and praydeste how pow myght be-com poor for me and for me for-sake all thynges. And ther-for of ryght pow arte myne and for so mych cheryte me byhouyth to orden for the; ther-for I take the to my spowse and to myn owne propur delyte, sych as semyth goode to haue with a chaste sowle.